Riċerka dwar strutturi ta’ wirt storiku mill-Universita’ ta’ Malta

F’dawn l-aħħar ġimgħat kompliet il-koperazzjoni eċċellenti bejn il-Park Nazzjonali tal-Inwadar u l-Universita’ ta’ Malta. Studenti Maltin u Għawdxin tat-tielet sena mill-Fakulta’ tal-Wirt Mibni, taħt il-gwida tal-Professur Ruben Paul Borg, għamlu testijiet dwar l-istrutturi tal-konkrit rinforzat b’apparat avvanzat ta’ monitoraġġ fosthom l-ultrasoniku, radar li kapaċi jippenetra l-ħitan biex jinvestigaw ukoll l-istat tal-elementi li fihom il-binjiet, sew jekk huwiex konkrit u anki jekk huwiex metall.

Tul is-Sajf student universitarju Franċiż qatta’ xhur sħaħ iħejji d-disinji tekniċi ta’ struttura partikolari u anki parti mit-trunċiera tal-kavallieri, taħt il-gwida tal-Professur Borg. Iċ-ċerpersin tal-Park Nazzjonali tal-Inwadar, Dr. Steve Borg indirizza lill-istudenti dwar l-impenn tal-Bord tal-Governanza biex titkompla r-riċerka akkademika fil-park nazzjonali, li twassal għal aktar għarfien u apprezzament tal-wirt naturali u storiku, filwaqt li tenna xi twettaq mindu twaqqaf il-park fl-2016Fa